𝐏𝐮𝐠𝐚𝐲 𝐓𝐚𝐠𝐮𝐦𝐩𝐚𝐲: 𝐏𝐚𝐠𝐤𝐢𝐥𝐚𝐥𝐚 𝐬𝐚 𝐦𝐠𝐚 𝐏𝐚𝐦𝐢𝐥𝐲𝐚𝐧𝐠 𝐍𝐚𝐠𝐭𝐚𝐩𝐨𝐬 𝐛𝐢𝐥𝐚𝐧𝐠 𝐁𝐞𝐧𝐞𝐩𝐢𝐬𝐲𝐚𝐫𝐲𝐨 𝐧𝐠 𝐏𝐚𝐧𝐭𝐚𝐰𝐢𝐝 𝐏𝐚𝐦𝐢𝐥𝐲𝐚𝐧𝐠 𝐏𝐢𝐥𝐢𝐩𝐢𝐧𝐨 𝐏𝐫𝐨𝐠𝐫𝐚𝐦 𝐁𝐚𝐲𝐚𝐧 𝐧𝐠 𝐓𝐚𝐲𝐬𝐚𝐧 | 𝐃𝐞𝐜𝐞𝐦𝐛𝐞𝐫 𝟎𝟑, 𝟐𝟎𝟐𝟓

Isang makahulugang Pugay Tagumpay ang idinaos upang kilalanin ang 84 na 4Ps Graduates – Batch 2, 2025 mula sa iba’t ibang barangay ng Bayan ng Taysan. Ang pagdiriwang na ito ay patunay ng kanilang matagumpay na pag-angat bilang Level 3 Self-Sufficient Households—isang malinaw na indikasyon na sa tiyaga, determinasyon, at suporta ng pamahalaan, ang bawat pamilyang Pilipino ay may kakayahang makaahon at makamit ang mas maunlad na kinabukasan.

Sa nasabing seremonya, personal na iginawad sa bawat pamilyang nagtapos ang “Sertipiko ng Pagpupugay”, bilang pagkilala sa kanilang pagsisikap at bilang simbolo ng panibagong yugto tungo sa higit na katatagan at pag-unlad.

Dumalo sa programa si Atty. Kriselle Balmes-Quintua, Municipal Administrator, bilang kinatawan ng ating Punong Bayan, Kgg. Brigido A. Villena, upang magbigay ng mensaheng nagbibigay-inspirasyon sa mga nagsipagtapos. Kasama rin sa pagdiriwang si Kgg. Eloisa Angela P. Portugal, Pangalawang Punong Bayan, at mga kasapi ng Sangguniang Bayan.

Isa sa mga tampok na bahagi ng pagtitipon ang pagbabahagi ni Ms. Analisa Bisa, isang 4Ps beneficiary, na nagsabing: “Ako at ang pamilya ko ang kwento ng aming tagumpay.” Isang makabagbag-damdaming paalala na sa puso ng programang 4Ps ay ang tunay na pagbangon ng bawat pamilyang Pilipino.

Pagpupugay sa inyong lahat—mga pamilyang patuloy na lumalaban, nagsusumikap, at nagtatagumpay.

#GarantisadongSerbisyo

#GarantisadongAsenso

#DiyosAngSandiganTapatSaBayan

#BagongTaysan